Wednesday, March 26, 2014

Maratonë



Vetëm njëqind të rrahura zemre
dhe një pulsim… është finish-i...
këmbët të tradhëtuara janë nga krahët
që rrotullohen pa pushim me angushti.

Zvarritje janë kilometrat e fundit
në një rrugë me rërë në muzgun e purpurt
ku asgjë nuk mund të shihet qartë
dhe dielli si një zemër e verdhë
me dy zemra të kuqe mund të shkëmbehet kaq lehtë…
  
Vetëm njëqind të rrahura zemre më tej është finish-i
dhe fare kthjellët shoh pas tij
nimfën e bardhë të fluturës
varur në degët e lulëzuara të kumbullës
por vallë a do e arrij?

Njëqind të rrahura zemre
si pompa e një pusi
sjell  ujë të ftohte dhe jetë
për etjen e vrapuesit…

Por fund nuk paska asnjehere
kjo dit’ e errët pambarim
kjo udhë e thatë…e zezë…
mashtruese mes pluhurit dhe mjegullës…

frymëmarrja është e rëndë dhe qelbet
erë moçali varur algash në mëngjes
përpiqet që të dalë nga brinjët e kafazit
si gazierë gulçesh të pashpresë…

………………………………………………
Pa jetë varen krahët  tradhëtuar nga këmbët
vetëm njëqind të rrahura zemre përtej është finish-i
por ah….me një pa-fundësi në mes…

No comments: